أحتفلت قبيلة آل سلمان عليان في قرية مشرفه بعيد الفطر المبارك في مهرجان خطابي يقام للمرة الثانيه ،شهده جمع غفير من ابناء وأعيان القبيله وكذلك من أبناء القبائل المجاوره،وكان الأحتفال تحت رعاية لجنة التنميه الأسريه بباشوت ورعايه سخيه من أبناء القبيله.
تخلل الحفل برامج ومشاركات متنوعه،كان منها مشاركه للشاعر( سعد حمود مانع العلياني) والقى القصيده التاليه :-

يقول:



بديت بالوالي عظيم الجلالي
رب تهابه كل خلقه وترجيه
سبحانه الرحمن بالملك عالي
مرفوع ماله بالمخاليق تشبيه
يالله تثبتني لبدع الجزالي
في قاف تطرب سامعينه قوافيه
حل الفرح والعيد غيمه زهالي
على ديار اقلوبنا سال هانيه
والسعد نوخ في ذرانا موالي
كم واحد غايب نوى وصل غاليه
وراح رمضان اللي على القلب غالي
اللي تكفل ربنا بالجزا فيه
مرت علينا فيه خير الليالي
ياحظ من جاله رضا الرب يرضيه
العمر فرصه والمنايا دوالي
والعد يفنى والعمل عند محصيه
والوقت يجري والبشر للزوالي
كم ساير يصبح ولاهو بممسيه
واهدي تراحيب من الطيب فالي
اللي حضر للحفل يا مرحبا فيه
من العوامر والكثيري مدالي
ترحيبة مثل الصدف في شواطيه
ترحيبة يهمل وفاها انهمالي
تقلط على فقر الليالي وترويه
عند ال سلمان اهل قول وفعالي
الضيف تعناله وتكرم ملافيه
من روس عليان العريبه وصالي
درب الجمايل ما تخالف مباديه
يالله تجمع على الخير حالي
ويالله تديم السعد ويحل داعيه
ويالله تعيد العيد دهر متوالي
وتعيدنا له بالسلامه ونحييه
ويالله تعز املوكنا بالعلالي
وتحفظ بلدنا من شرور المعاتيه
عشنا بامن وخير ربي كمالي
من جود فضله في سعاده وترفيه
وتذكروا مادام للكون والي
ناس على جوع ومضاضه وتشريه
ناكل ونلبس بالدهر مانبالي
وهم على ناره المهانه مكاريه
من فوقهم حرب المعادين صالي
من تحتهم كن الارضين في تيه
والدار من صوت المحبين خالي
خذهم زمان الغدر ماسالهم ليه
والوضع ماعد فيه زود احتمالي
يكفي على الحاضر تعابير ماضيه
يالله يا خلاق كبر الجبالي
تكتب لنا نصر موزر نوافيه
لابد يظهر للحقيقه نوالي
ويغيب وجه الحقد بافصى مواطيه
وختامها ياسامعين المقالي صلو على خير البشر عند طاريه





كما كرمت القبيله أبناءها الذين شاركوا في الذود عن حياض الوطن خلال أحداث الحد الجنوبي.
وتقدم الشاعر(سعد بن حمود العلياني) بإلقاء قصيده ثانيه لأبطال الحد الجنوبي، يقول فيها:


المدح مايستاهله غير الابطال
اللي على هامات الامجاد راسين
تاريخهم يشهد على طيب الافعال
وتشهد لهم بالباس حمر الميادين
في جيش ابو متعب معادين الانذال
يرفع علمهم كلمة الحق والدين
دون الوطن بالروح والمال والحال
للنصر والعزه ودحر المعادين
هذا جنود المملكه مضرب امثال
هذا الوفا واللي على العهد باقين
هذا الشجاعه ضد مجرم ومحتال والنخوه اللي رجحت بالموازين
هذا العيون الساهر ليل الانزا ل
هذا النفوس الصافيات الميامين
قد قال ابو متعب بقوله ليا قال
إما النصر ولا نغادر شهيدين
عزالله إن الوعد واقف ولامال
وحنا على ذيك الوعايد موفين
إما العدو يشرب من الذل فنجال
ولانموت وبالكرامه عزيزين
وابطالنا كفو ومغاوير ورجال
بيض الوجيه افعالهم تبهر العين
يستاهلون انشيلهم فوق للعال للروس تاج وللمكارم مضامين
هذي قصيدي والمعاذير همال
والقاف وافي الجمايل عناوين