للمهندس مصلح بن صالح العلياني
سلام ماتبلغ مداه المناديب
اكبر من اكبر راسيات الجبالِ

ولاتعبر عنه كل المكاتيب
ولاهو لغير الكفو سهل المنالِ

اخص به راعي الوفى والتراحيب
من يستحقه في صفوف الرجال

مصلح ابن صالح ياراعي المواجيب
(والنعم) عزالله لمثلك تقالِ

اتعبت من يبغى يجاريك يالذيب
بممشى الدروب الكايدات الجلالِ

ومطلاعك النايف على غيرك اصعيب
يصعب على من لايشيل الثقالِ

ليت النساء ما تلد غير الرعابيب
لا صار ما مثلك يجون العيالِ

يالي ولو شحت عدود المشاريب
عدٍ رهيٍ ماه شربه زلالِ

عزالله انك بعد شوف التجاريب
قدمت عن عليان ارقى مثالِ


وماهوغريب الطيب يامنبع الطيب
ورث الفخر من عند عمٍ وخالِ

وصلاة ربي خير كل المكاسيب
على نبيٍ ما مشى بالخيالِ