الله يا كملي وانا اكن عبرات الضمير=واثرت في القلق ما احد عني درا
بعد ذلك راح قلبي مع الغالي سفير=مثل ما ترسل امريكا سفير انقلترا
وانشبكنا في بعضنا عسى مقسوم خير=مثل ما يشبك رهيف القراطيس الغرا
صار يجذبني لميصالهم سلك الحرير=قفل صندوق المحبة على الخافي ذرا
والعهود السابقة ما نبدلها بغير=حدلي مشي بالاقدام وعيوني ترا
زاع قلبي زوع ريش على جنحان طير=والا برق وسط نو تذعذاعه سرا
وجر قلبي جر حبل على مكرات بير=من وليف زاد في سوم ولفي واشترا
انقطع معلوق روحي معه قطع ضرير=مثل ما يقطع عروق البشام من الثرا
ونتي ونت مريض على جنبه خطير=ما نفع فيه المداوي وطب الدكترا
السبب يوم ان تذكر مقابلنا الاخير =والله انه يا لطيف الحشا حق جرا
يا لطيف الروح ماني على الصدة قدير=خايف نعمل صنيع فيرجع منكرا
ويا بعد روحي عليك اتحرص واستغير=مثل ما يغتار نقل الخصوص من الكرا
يا غزال بين شقرا وبين ابها عسير=رابي بالذات ما بين مرقص وعفرا
حدد الموقع وما صار من ربي يصير=قبلها ما كان يطري عليه ما طرا