يالله يا قابل صلاة المصلين=يامالك الدنيا من الغرب الى الشرق
منها خلق بونا ابن ادم من الطين=وفيها يعودة في صعيد من الرق
سر يا نديبي بالخبر يوم الاثنين=عسى ولعل في طريقك موفق
يوم به التاريخ سته وعشرين=في شهر واحد عام خمسة منسق
منصاك رجل من رجال عزيزين=قول على فعل الرجولة محقق
سلم عليه وقلهم وينهم وين=وش لون بيبان الصداقة تغلق
قله مضالي عدة ايام وسنين=واشوف صندوق العلاقة مطبق
مفروض نذكر ذا مضى لو بعد حين=ايام عشنا لا تغلي ولا فرق
ايام فيها نذكر الشد واللين=نخدم بعضنا لا خيانه ولا درق
اما انت معروفك على الرأس والعين=اقولها ماهو بدس ولا سرق
لا تعتبرنا في المعاني غبيين=كلام والصادق كلامه مصدق
ليته طلبني حق واعطيه حقين=وإن صابني حق عطيته مية حق
وألا تسامحنا على الخاطر الزين=سبحان مادمنا تحت لايح البرق