سبحان من يفني العالم ولا يفنى=الخالق البارىء المعبود سبحانه
الله على الدين والملة يصرفنا=نعمل بقوله على الإسلام وأركانه
يحفظ زعيم مواقيفه تشرفنا=ابو متعب خادم البيتين عنوانه
حليمنا غيثنا هيبة طوارفنا=الدين ترسانته والصدق برهانه
رأس المعادي يلا شنت عواصفنا=رأسه نزل والملك خصمه وديانه
عبدالله اللي على حبه يولفنا=مطيته نيته والعدل ميزانه
خيره يصلنا يلا جينا يضيفنا=خير على موطنه شر لعدوانه
ولي عهده نعده في وصايفنا=خلقه ومداته الجزلات واحسانه
وزيرنا عزنا جمل مواقفنا=قوات بر وبحر والجو سلطانه
خدمة ملكنا ووطنا ما تكلفنا=نحمي الوطن يوم كلن يحمي اوطانه
نرفع علمنا على قمة نوايفنا=نعين من عاونه ونهين من هانه
واميرنا خالد الفيصل يقيفنا=مثيل ما قيف الطابور ميدانه
على مواقيفه الحسنه تعرفنا=نظراته السامية واثبات وجدانه
رايد سياحاتنا ناهض مصايفنا=يملك ثقافة وادب رسمه وديوانه
في حد ما نسمعه في حد ما شفنا=الوزن والقافيه القاه ولسانه
يلا سمعناه ركزنا وهدفنا=اشد حرص على التنشيط وكيانه
ويلا اشتغل هاتفه رنت هواتفنا=نستقبل الشعر ونصوت على شأنه
شعر ومشاعر درر عذبه تلاطفنا=نختار منها بيوت الشعر وسمانه
شعر الوطن عاطفيه من عواطفنا=ابيات متواضعة واسلوب فنانه
يلا نظرنا وفكرنا وصنفنا=ما مثل جو الجنوب ونهر وديانه
ستر ومصونه وأمن وأمان حالفنا=تاج السعودي شرف بره وسكانه
يلا اخذنا الاجازة من وظايفنا=زرنا شواص الذهب وابها وشيبانه
عن السياحة في الخارج توقفنا=لانه يغش الضمير ويضعف ايمانه
عن ما سمعنا من اضراره تخوفنا=فيه المعاصي وسرق ودرق وخيانه
عز الله انا عليها ما تحسفنا=ابعاد عن رفقة الشيطان واعوانه
عليان ياأهل الحمية يا عوارفنا=مراقبة مجتمعنا عز وصيانه
شبابنا كثر والتعداد ولفنا=الاسواق متزاحمة والدور مليانه
واسراف بعض الشباب اليوم يؤسفنا=يجني على سمعته وأهله وصدقانه
نبغي يعرف الخلط ويعاف ما عفنا=يرجع لمنزل كتاب الله وفرقانه
ما نجمل الا يلا منا تكاتفنا=من جود الساس ما ينهد بنيانه
ولا نضيع مذاهبنا وسالفنا=ترى الصقر ما يطير الا بجنحانه
وصلاة ربي على المختار قدوتنا=المصطفى عد نو هب ودانه