يـــالله يــاغــافــر عــظـيـم الـخـطـيّات=يـا رافـــع ٍ سـبــع ٍبـلــيـّـا دعــايـــم
يـا بـاعـثٍ يـوم الـتـهـاويـل الامـــوات=حـفـظ عـلـيـنـا دوم جـزل الـنعايم
مـن بــعـدهـا نـرسـل سـلام وتـحـيـات=لـولاة الامـر الـقـايـديـن الـزعـايــم
آل الـسـعـود أهـل الـجـدود الـعريبـات=وخـشـوم مـن تـبـغي سواهم رغايم
الـبـارحـة مـهـمـوم والـفـكـر مـا بـات=مـن شـوفـةٍ جـرُّت عـلـيّ الـنـدايــم
منـظـر دمـا وقـتـل ونـفـوس ضحيات=ونـاس ٍ تـذبـُّح مـثـل ذبـح الـولايــم
عـجـوز تـنـشـد عـن ولدها وهو مات=وأطـفال صـاروا بـعـد ابـوهـم يـتايم
و شـايـب يـقـبـِّل قـبـر ويـجـرّ ونــات=عـلـى ولـده اللـي أنـقـتل في الجرايم
مـن شـاف هـالـمـنظر يعيش المعانات=يـا نـاس يا أصحاب العقول السلايم
وشـلـون مـسـلـم يـرتـجـي نـيل جنات=يـقـتـل اخـوه اللـي مـصـلي وصايم
اسـلامـنـا بـاري مـن اصحاب الافات=أهـل الـضـلال اهـل القلوب السقايم
تلـبـّاسـهـم بـالـديـن يــا كـود كـلـمـات=مـثـل أجـنـبـي يـلـبـس عقال وعمايم
يـا فـهـد حـنـا لـك رجـال الـمـهـمــات=(عليان) تـحـت امـرك ليا جا زهايم
تـامـر وتـنـهـى يـا رفـيـع الـمـقـامـات=أشّـِر وحـنـا اللـي نــشــد الـحـزايــم
دون الوطن نرخص نفوس و نفيسات=يـخـسون مـن حسـبوا وطـنـا غنايم
دونه هـل العـوجـا و حـنا لـه حـمـات=و الـجـو لـه صـقـر لحـمـيـاه حـأيـم
فـي دولـة ابـن سعود راعي المروات=عشـنا عظـايـم تـحـت حكم العظايم
الـحـكــم قــام بــشـرع رب السماوات=ومـن يـتـبـع الله مـا يشوف الهزايم
هـذي حــقـايــق مـا تـبـي أيـة اثـبـات=مـا هـي بـهواجيس ولا هي بوهايم
و خـتـامهـا أزكـى سـلام وصـلاوات=على النبي بـعـداد هـب الـنـسايم
