يا الله بسمك بديت وقلت يا لله فنت ذا فالوجود=يا لله في نيتا بالخير يا مختار تختارها
قدام ما صف جزلات القوافي مثل صف الجنود=من الخطى يا لله أنك عزلي نفسي ومقدراها
وان تجعل الصدق منهاجي وحكام الشريعة شهود=ولا أنطق الكلمة إلا عارفا كم وزن معيارها
فحلا الكلام أجزله و وأفي الرجال أمعربين الجدود=إلي على كل طاله من وفاها تافي أشبارها
واثمن بيوت القصائد ذا تعد امثل عد النقود=عند الشعاعير ذا تخدم بيوت الشعر بأفكارها
قلته وأنا شاعر هاظن هواجسي بقافا يقود=أمثيل قود المزون المز رمه لي هلت أمطارها
ويطولوني بها شعار ربعي جعلهم فالوجود=وانأ خدمهم واخدم أصغار ربعي واخدم اكبارها
أبا تكلم بسم شعار ربعي كاسبت كل فود=وأنا افتخر وأتشرف يوم انا من روس شعارها
إلا به إلي نباها فوق ها مات المعالي ينود=من طيبة أفعالها ها ظن هجوس الشعر بأشعارها
إلا به إلي مكارم جودهم جودا على ساس جود=ما عو مست في سنين الجوع زايرها وخطارها
قومن بناصيتهم ما يطلع إلا للمعالي سنود=في ثمار شيخانهم نعم الأسود ونعم بنهارها
صبيان واسين ذا لي رفرف البريق برأس العمود=ثم ضربت طلبت الحراب في الهيجا ومزمارها
عدوهم يلتقيهم خافقا قلبه ويرجع شرود=من فعل واشوار قوما للمعالي تفتل اشوارها
في ريبهم يا من الخايف وتا من مطرفات الحدود=يوم أن كل له أيده ما وخذ شبراً من أديارها
ومن وطاها وطوه وحاربوه أمثيل حرب اليهود=برجالاً إذا أشعلت نار الفتن تاطي على نارها
واليوم فالحكم لله ثم لولاة أمرنا آل سعود=إلي حمت دارها يوم الشدايد وأمنت جارها
حكامنا اللي عطيناهم مواثيق الو لا والعهود=وحنا لهم قوتاً يحسب لغيبتها ومحضارها
هذي ما حبيت أعده عن بني عمي صلاب البدود=واهديلهم في نهايتها تحيه تحمل ازدهارها
ربعي وأنا افخر بكم فخراً في التوصيف ماله حدود=لكن ذا موجز النية وما تحكي به أسرارها
وأختامها مثل ما قد قيل في الأمثال مسك وعود=من عقب وصلت محاًريف القصيدة راس مشوارها
صلاة ربي على محمد شفيع الخلق يوم الوعود=أعداد من طاف بالكعبة لمرضاته ومن زارها