تتعبون القلب يلي تعذلونه=دائمين يصبر على المرو الحالي
ما يدواي القلب لازادة أشطونه=كود فاجاً ينهجه مع خل خالي
في ضهر جمس ليفتر بيلونه=نبل ويله بالحصى يشعل أشعالي
بوم ألفه ما يعاكس دركسونه=وان عطيته نمرة فز له بالي
لا مشى ما هوب يمشي على هونه=يطلب الزائد من البنص ويلالي
كله الشيهان لا رفع امتونه=يوم يمشي بين كثبان ورمالي
يقطع الفرجه والأرزاق مظمونه=لا كتب لرزاق علام لحوالي
ولا وصفت الجمس لنفس ممنونه=المواتر جال والجمس في جالي
بلي الشعار بالشعر يصفونه=وصفه بندر وتوصيفي اكمالي
ما يبيع الجمس ناس يعرفونه=من يعرفه ماخذي فيه لبدالي