يا عود جاوبني معي دق الأوتار=قدامك أمواج البحر جاوبتني
يا عود انا كني على لاهب النار=اللي على سيف البحر عذبتني
كنه يدق بداخل القلب مسمار=كلمتها لكن ما كلمتني
وقلت اسمعيني كن ما صار ما صار=كلمتها لكن ما كلمتني
قلت استمع يا زين وأعطيك الأسرار=يا زين أنا سود الليالي حدتني
يازين بالله لا تقدم بالأعذار=أعذاركم يا صاحبي حيرتني
وانا الذي من أجلكم صرت محتار=حاولت أخفي دمعتي وفضحتني
بعد التعب والهرج ما بنينا دار=ما طولت بعنادها واسمعتني
وقالت لي اسمحني تر بليس غدار=وهروجك الي قلتها زعلتني
قلت الحقيقة راعي الحب صبار=باسمح ولو خطيتك كلفتني
واعطتني الخاتم هديه وتذكار=وحان الوداع وليت ما وادعتني